الأخبار العاجلة
  • الجمعة, 29 مارس 2024
أخبار السياسة و الطاقة
  • رئيس مجلس الإدارة و التحرير
    خالد حسين البيومى
أثيوبيا وتحالفاتها مع الشياطين
الأحد 06 سبتمبر 2020 02:14 م دكتور طارق محمد البيومى

_ #إثيوبيا #والحبشة #والبرتغال #وإسرائيل 
_ والتحالف الشيطاني ضد مصر.
_ الجيش المصري هزم الجيش البرتغالي أقوي جيوش العالم.
_ هل تعلم أن إثيوبيا ( أحفاد يهوذا ) حاولت من 500 سنة تعطيش مصر بتحويل مجري #النيل بمساعدة البرتغال ؟
_ #إزاي ؟

- سنة 1513م الحبشة كان بيحكمها #الإمبراطور دويت الثانى من السلالة #السليمانية الحاكمة فى الحبشة ، وإتسمت السلالة السليمانية عشان هما بيقولوا أن سيدنا #سليمان لما إتجوز الملكة #بلقيس خلفوا الملك #منليك الأول مؤسس السلالة السليمانية فى الحبشة ، عشان كده بينسبوا نفسهم لمملكة #يهوذا وبنى إسرائيل ( وأظن ده ممكن يفسرلنا حاجات كتير بتحصل دلوقتي ).

- وفى نفس الفترة دي كانت البرتغال من أقوى دول العالم وجيشها كان من أقوي جيوش العالم وكانت مسيطرة على البحار وكانت بتحاول تسيطر على المحيط الهندى والبحر الأحمر ودخلت معارك كتير مع مصر إللي كانت مانعة توسعهم فى #بحر_العرب #والبحر_الأحمر.

- ومصر في الفترة دي كان بيحكمها السلطان #قنصوه_الغورى ، وكانت مصر عاصمة الخلافة الإسلامية وبتحكم بلاد العرب وكانت بتتصدى لأساطيل البرتغال.

- ملك البرتغال مانويل الأول أرسل قائد بحرى قوى إسمه ألفونسو دى #إلبوكيرك للسيطرة على البحر الأحمر وإحتلال #مكة #والمدينة والبلاد الإسلامية ، وطبعا كان ده صعب جدا عليه لوجود #أساطيل مصر إللي هزمته فى معركة #جدة البحرية وكان طومان باى أحد قادة المعركة دى.

- وبعد هزيمته من الجيش المصري حاول القائد البرتغالي إلبوكيرك يضعف مصر بطريقة جديدة جدا فى العصر ده .. كان  إمبراطور الحبشة دويت الثانى لسه طفل صغير وكانت جدته الملكة هيلانة هى الوصية على العرش .. راح القائد البرتغالي المهزوم إلبوكيرك للملكة #هيلانة وعرض عليها إنه يحول مجرى نهر النيل بدل ما يوصل لمصر عن طريق إنهم يخلوه يصب فى البحر الأحمر وبالتالى يضعف مصر وتنهار مصر بعد جفاف النيل ، وبدأوا بالفعل يعملوا كده .. وده لأن مصر وقفالهم زي اللقمة فى الزور قدام توسعاتهم.

- السلطان قنصوة الغورى عرف المخطط #الحبشي_البرتغالي القذر ده وبعت أساطيله #وهزم التحالف ده فى معركة #مصوع البحرية وبالتالى تم إحباط المخطط ده قبل تنفيذه.

_ #الخلاصة: 
- إن إثيوبيا من زمان ممكن تتحالف مع أى حد ضد مصر .. والصراع قديم وممتد وخصوصا إنهم #بينسبوا نفسهم لإسرائيل وبيسموا نفسهم أحفاد يهوذا.

_ #أبحث بنفسك عن :
- التحالف البرتغالى الحبشى.
- الحروب البرتغالية المصرية.
- السلالة السليمانية الحاكمة فى الحبشة


اترك تعليقك

Top