حول قائمة الزواج

 حول ما أثير فى موضوع القايمة  على شبكات التواصل الإجتماعي 
كتب د. عادل المنسي

و بدون اي تحيز 👌

من وجهة نظري المتواضعة جدا 

لا القايمة بتضمن الحقوق 
ولا عدم وجود القايمة بيضمن السلامة 
اللى عايز يبهدل حد ويزعلة مش مستنى ورق
  
الضمان  الوحيد فى سنة النبي صل الله عليه وسلم 
(فاظفر بذات الدين تربت يداك)
(إن جائكم من ترضون دينه وخلقه فزوجوه)

ذات الدين في كل شئ 
ومش بالضرورة تكون منتقبة  او هو تارك لحيتة إنما على الأقل عارفين و فاهمين امور الدين و التربية الصحيحة و البيت السوي 
لأن الجوهر والمظهر أمور لا تنفك عن بعضها إذا صلح احدهما صلُح الآخر ولو جزئيا ثم أكتمل صلاحه 

ذات الدين اللى خارجة و اللي خارج  من بيت فيه راجل محترم و أم محترمة  علموهم الحلال والحرام  و اصول الأحترام و انهم يكملو بعض 

ذات الدين اللى يعرف يصون العرض والمال والولد 
 
ذات الدين اللى تقدر و اللي يقدر  يربو  اولادهم على نفس منهج الأهل القويم 

ذات الدين اللى تعرفو من دينهم ما لا يسع المسلم جهله يعنى الثوابت والاصول 

واللى يتقي الله في زوجتة و اللي تتقي الله في زوجها 
 
انما صاحب الاخلاق المعروف بين الناس بتقوى والصلاح و دا بيرجع للبيت و اصول التربية و القيم و المبادئ اللي تربي عليها 

يعاملها بما يرضي الله و يقبل عليها مثلما يقبل على اخته 
اللى ابوه و أمة  علموه ان بنات الناس امانة و ان زوجتك ليها كل الحب و المودة و الأحترام 

هو ده الضمان 
غير كده كلها شكليات 
سواء فيه قايمة او مافيش  مش هتفرق 
انت خلاص ضامن حقك لانك عرفت و عرفتي  تختارو صح 

اللى بيحكمنا ويصلح بيوتنا شرع الله  و  سنه رسول الله و علم  درسناه و اتعلمناه 
من كتاب وسنة وميثاق غليظ يربطنا ليوم الدين  و تربية  سليمة 
واللى اتربى على الأحترام و الأدب و المعاملة الحسنة و الرحمة  مش مستني ورقة علشان تلزمة أنه يصون
فى مودة ورحمة وتغافل واحتواء وسند وظهر 
وستر وأمان واحترام وعائلات لها كبير و  كلمته مسموعة نحتكم إليهم وقت اللزوم
الناس اللى  بيوتها كدة مرحتش محاكم ولا عملت قاعدة رجالة حتى 
بيوتهم مشيت ببركة ربنا وشكر نعمته
علشان في أب و أم تعبو في التربية  و ربو كويس و طلعو شباب سويين يقدرو  يفتحو بيت مبني علي الأحترام و المودة و الحب و الرحمة  

ملحوظة مهمة جدا جداااا 👌👇👇

و انتي بتختارو شريك الحياه  و نركز كويس اوي علي ( شريك حياه ) مش زوج او زوجة 
             ( شريك حياه )
اختارو كويس جداااا اختارو الانسان البسيط في التعامل اللي بيدور علي راحتك و أمنك و أمامنك و هدوئك النفسي و هدوء البيت
الأنسان اللي بيكون  سلس في المعاملة اللي عارف و متأكد او عارفة و متأكدة  انك حتي لو غلطت دا بيكون غلط غير مقصود الأنسان اللي بيعدي علشان بيحبك بجد  مش الأنسان  المرهق اللي طول الوقت بيدور علي غلطة و يتلزز بالعقاب و ليل نهار ناصب المحكمة   بنكون مضطرين طول الوقت  ندور و نبرر  و نقول في مصطلحات علشان يقتنع ان الغلط غير مقصود اذا كان  في موقف او اي مشكلة و لو بسيطة 

و انتو بتختارو يا ريت تختارو الزوج او الزوجة  اللي بيكون صديق و حبيب و ابن و اخ  و أب و العكس حبيبة و اخت و صديقة و ابنة و ام   
الزوج او الزوجة   المريح  البسيط 
الأهم من الزواج هو أختيار الشريك الصح👍                هو دا ( شريك الحياه ) 👌

تبينوا 
استوثقوا 
ابحثوا 
تفحصوا 
فاولادكم أمانة ذكور وإناث فلا تضيعوا الأمانة