اكتر ناس الحياة ظلمتهم

الجمعة 23 أكتوبر 2020 01:03 م فؤادمحمدبشادى

عارفين مين اكتر ناس الحياة ظلمتهم ؟! هى الناس اللى كانت بتضحك وتهزر ومليانة بالطاقة اللى كانوا مابيبطلوش ضحك وهزار ..... وفجاءة انطفوا. انطفوا بسبب حزن وراء حزن خيبة أمل وراء التانية الحياة كعبلتهم بما فيه الكفاية خدوا صدمات من اقرب ناس ليهم انجرحوا من اكتر ناس وثقوا فيهم مروا بفقد لاقرب ناس ليهم فقدوا بعده الحياة فضل نورهم ينطفى من كتر الصدمات لحد ما انطفوا خالص ... مجبرين يروحوا ويجوا ويشتغلوا ويتكلموا مع ده وده بس من غير روح . ممكن يكون حواليهم نعم كتير بس مش قادرين يستمتعوا بيها من كتر الحزن اللي طفاهم
أنا وقلبي محتاجين هدوء ، محتاجين نِبطل تفكير في كل حاجه،محتاجين نعيش الدنيا شويه بدل ماهي ال بتعيشنا .. انا وقلبي زهقنا ومش عاوزين نِعرف عن حد حاجه ولا حد يعرف مالنا .. أنا وقلبي محتاجين نفصل م الناس ومشاكلهم وحواراتهم وغموضهم .. أنا وقلبي عاوزين بحر وقهوة و عزلة وبس ،و نشِد الفيشه .. أنا وقلبي محتاجين أيام حلوة
كمان ‏الحاجة الوحيدة اللي محتاجينها ف علاقاتنا هي " إحساسنا بالأمان " إني أحس أن مكاني محدش يقدر ياخدُه مهما حاول ، وإن مفيش زيي ولا هيكون ومهما ظهر حد تاني أحسن مني هيتقابل بالرفض ، وإن غيابي كفيل مايخليش اليوم يعدي ، وإن وجودي فارق ، واني مهما تعبت أو إنطفيت لسه مِتشاف أحسن حد