حكاية الجاسوس سليمان الترابين

الصورة دى للجاسوس "سليمان الترابين"، الجاسوس الحقيقي في فيلم "إعدام ميت"، هو شخصية الشاب البدوي "منصور مساعد الطوبي"، اللي مثلها الساحر "محمود عبد العزيز"..طبعا  عارفه
هو من ولاد عشيرة "الحكى" بقبيلة "الترابين"، الموزعة بين سيناء وفلسطين، وبيتنقل أفرادها في مجموعات بين الشريط الحدودي، في طابا والعريش ولحد نويبع، ولهم أماكن استقرار كتيرة في صحراء النقب..
حكاية "سليمان" أو "منصور" بدأت بعد نكسة يونيو 1967م، لما جنده الجيش الاsرائيلي، عشان يبلغ عن تحركات خلايا المقاومة المصرية من الفدائيين، في الصاعقة واللي بيعاونهم من البدو، وكان عنصر مفيد ومؤثر جدًا لجيش الاحتلال، ودا اللي خلاه هدف لأكتر من محاولة اغتيال من أبناء قبيلة الترابين بسيناء..
لكن زي المثل المصري ما بيقول: "عمر الشقي باقي"، نجي "سليمان" من محاولة الاغتيال دي، لأنه كان ذكي جدًا الله يحرقه، وعارف إن أفراد العشيرة شغالين مع المخابرات المصرية، وعشان كدا كان بيتنقل فى الآليات العسكرية الإsرائيلية فى سيناء، ويبلغ عن المجاهدين المصريين وهو في حمايتهم..
والحقيقة إن فيه تضارب في الأقوال، يعني فيه كلام -مجرد كلام- عن زرع المخابرات لظابط شبهه فعلًا زي الفيلم، وفيه بيقول لأ ده مجرد خيال مؤلف، على كل حال هو لم يتم القبض عليه أصلًا، ولكنه اتحاكم عسكريًا بتهمة التجسس لحساب جيش الإحتلال، ونزل إسمه في المطلوبين لتنفيذ الأحكام غيابي، ومع تحرير سيناء سنة 1979م، بعد معاهدة السلام، هرب، يعني لا أبوه قتله ولا حاجة زي ما حصل في الفيلم..
وفعلًا، هجر "سليمان" أرض سيناء، عشان يلحق قوات الاحتلال المنسحبة، وقرر إنه يسكن بالأراضي الفلسطينية المحتلة، وراح لمنطقة رهط في صحراء النقب وعاش هناك كواحد منهم، وأخد الجنسية الإsرائيلية، واتجوز واحدة من عائلات عرب 48..
استقرت حياته هناك، وخلف بنت وولد، البنت اتجوزت واحد من العشيرة في مدينة العريش المصرية، أما الابن فدا قصة طويلة، اتولد بالخيانة في دمه، جينات أصلها، كان إسمه "عودة"، وشغال في رعي الأغنام، ومن  اجل  الثراء  السريع  وبقى تاجر مخدرات معروف  
فبدأت قوات حرس الحدود الإsرائيلية تدعمه، فوسع تجارتهوبدأ تهريب المخدرات لمصر، بموافقة سلطات الاحتلال وتغطيتها له، أيوة، ما هي دي كلها خطط ممنهجة للحرب معانا، فاستمر لسنة واحدة شغال في التهريب، كان عنده 18 سنة وقتها وتم تجنيده من قبل المـ9ساد، 
فقام سنة 1999م بزيارة أخته، وعرض على جوزها إنه يشتغل معاه في التهريب، ووعده بمراعاة المـ9ساد، وفى نهاية الزيارة وهو ماشي من المعبر الحدودي، وقفه ظابط مصري شك فيه، فأخد منه جواز سفره وحذره من الرجوع لسيناء، لكن السنة اللي بعدها اتسلل من الأنفاق، وراح لزوج أخته، اللي بلغ عنه حرس الحدود وتم القبض عليه..
طبعًا كان بدون جواز سفر، فتم اعتقاله على اعتبار إنه مهرب، ولكن في التحقيق ادعى إنه مواطن إsرائيلي، وطلب الاتصال بالسفارة اللي ما كانش عندها علم بوجوده أصلًا، ودا اللي حول التحقيق معاه للمخابرات العسكرية، عملت التحريات اللازمة وعرفت تمامه، ومع شهادة أخته وجوزها خر واعترف بكل شيء، تمت محاكمته في مصر بتهمة تسريب معلومات عسكرية سرية لدولة معادية، قضية أمن دولة عليا لسنة 2000م واتعاقب بالسجن 15 سنة..
وفي رمضان سنة 2012م، أفاد المحرر "شمعون إيفرجن" في موقع "ماكو" الإsرائيلى، بأن محامى الجاسوس المعتقل فى مصر "عودة ترابين" طلب من الرئيس "مرسي" بالعفو عنه بمناسبة شهر رمضان الكريم..
وقال بأنهم بعتوا رسالة إلى دبلوماسي مصري فى السفارة المصرية عندهم، ووعدهم بتسليمها للرئيس "مرسي" شخصًا، وكانت الرسالة موقعة من بدو ومحاميبن يهـ9د وعرب، وقالوا إنهم ناويين رفع دعوى ضد مصر بإسم "ترابين"،، بـ100 مليون دولار تعويض له،
الجدير بالذكر بقى، انهم استشهدوا فى الرسالة دي، برأي الفقيه الدستوري المصرى اللي عايش في أمريكا، "محمد شريف بسيوني"، الراجل دا أقر ببراءة "ترابين" بعد الإطلاع على الوثائق، وأكد إنه مش جاسوس ولا حاجة، وإن المخابرات العسكرية المصرية لفقت له التهمة الباطلة دي، ما قدرتش تقبض على أبوه "سليمان" أثناء الحرب..
"سليمان" اللي اتحاكم غيابيًا، ونفد بهروبه مع الجيش الإsرائيلي المنسحب، من عقوبة السجن المؤبد لمدة 25 سنة مع الأشغال الشاقة، بتهمة التجسس لحساب إsرائيل، وتعتبر قضية "عودة" دي تصفية حسابات قديمة، و"سليمان" كان له حوار على الموقع بيقول عن موضوع القبض على ابنه دا:- مش عايز جمايل من المصريين، أنا مواطن إsرائيلي وباطلب من الحكومة التدخل لحماية حقوقي..
المهم، قامت أحداث حركة 30 يونيو وأطاحت بالرئيس   "محمد مرسي"، والدنيا في البلد اتلعبكت زي ما كلنا عاصرنا وشوفنا، و"عودة" مرمي في السجن بيقضي عقوبة الـ15 سنة اللي عليه، وفي أغسطس 2013م، نشر جرنال الأهرام موضوع مطول عنه، بعد إضرابه عن الأكل في سجن ليمان طرة، واللي كان في نفس وقت إطلاق النار في وسط سينا، وقطع طريق من البدو، بعد ما عرضت إsرائيل الإفراج عن 22 واحد من ولادهم في مقابل الإفراج عن "عودة"، والموضوع منشور على موقع بوابة الأهرام، للي يحب يقراه بالكامل..
و"سليمان" أثار الرأي العام عندهم، عشان يعاملوا "عودة" نفس معاملة الظابط "شاليط"، وفعلًا بدأت مفاوضات طويلة بين الجانب المصري والجانب الاsرائيليي، وخلصت في 2015م، مع نهاية فترة عقوبته، ولكن المخابرات ما أفرجتش عنه، الا في صفقة تبادل مع مسجونين مصريين عندهم، وصل عددهم لـ77 مصري..
الحقيقة إن فيلم "إعدام ميت"، كان مرحلة مهمة في مشوار "محمود عبد العزيز"، اتخلص فيه من أدوار الچان، ودخل طور مختلف تمامًا، وكمان السينما المصرية في سنة 1985م، مع عرض الفيلم خدت منحنى جديد في خدمة القضية، ولكن الفايدة اللي عادت على صناع الفيلم كانت عظيمة..
حتى المخرج "علي عبدالخالق" كان مشارك في فعاليات الدورة 65 من المهرجان الكاثوليكي للسينما في مارس 2017م، وحكى عن موقف للفنان الراحل "محمود عبدالعزيز"، قال إنه أصيب بحالة انهيار خلال التصوير..
عشان اتقمص الشخصية جدًا، خلال مشهد الإعدام في الفيلم وعاش اللحظة، واللي تم تصويرها في سجن حقيقي، وقبل تصوير المشهد شحنه نفسيًا، بأنه هيقارن بمشهد الفنان الراحل "عبدالوارث عسر" في فيلم "صراع في الوادي"..
صحيح الفيلم غير الواقع، والخاين ما ماتش، فعاش "سليمان" وابنه "عودة" صحيح، ولكن الخاين مهما طال عمره فهو قصير، رغم قيمتهم عند إsرائيل، اللي خرج رئيس وزائها "نتنياهو"، لاستقبال "عودة" بنفسه بعد الإفراج عنه سنة 2015م، 
وكان "عودة" لأهله في صحراء النقب حدث مهم جدًا، اعتبرته صحيفة "معاريف" انتصار للمـ9ساد! واتسابقت قنوات زي الجزيرة والعربية وغيرهم لعمل لقاءات معاه، هتلاقوا فيديوهات كتيرة منها متاحة على اليوتيوب، ودي بعضها ⬇⬇⬇منقول

https://m.youtube.com/watch?v=zBu3wquwUCM

https://m.youtube.com/watch?v=XsQRkIBmlTA

https://m.youtube.com/watch?v=P1NvaTWcdPc
وفي الأخير، الموضوع مش موجه لسينا وأهلها، دا للتوضيح،  إنهم كانوا بيعاونوا الجيش المصري في حرب الاستنذاف، وكان لهم فضل كبير في التمهيد لنصر أكتوبر، و قبيلة "الترابين" كان منها فدائيين، وحاولوا يغتالوا "سليمان" الجاسوس الأب، وهما اللي قبضوا على "عودة" الجاسوس الابن، وسلموه لحرس الحدود، يعني مش محتاج حديدخل ويدافع عن أهلنا في سينا، لأنهم مش متهمين أصلًا، ومش معنى وجود واحد فاسد فيهم يبقى كلهم كدا!
منقول من شخصية مصر