صلاح ومحرز منافسه لا تنتهي والبحث دائماً عن الأفضل

✅ من الصعب المقارنة بين اشخاص عامه لاختلاف امور كثيرة وهذة في حياتنا اليومية ما بالك بين لاعب كورة بأخر.

كتب /عمرو الخشاب

والتنافس الحامى بالفترة الأخيرة الي رأيناها بين صلاح ومحرز بعد تالق الأخير في الوصول للمبارة النهائيه مع السيتي.
فهذة المقارنه متختلفش كتير عن المقارنة بين حارس مرمي مثلا ولاعب وسط !!.
من أجل أن تكون مقارنة عادلة لازم تتوحد كل الظروف أولا، وده شئ أشبه بالمستحيل، يعني المقارنات بشكل أساسي ظالمة بين الأشخاص، لأن من الصعب ان تكون  ظروف طرفي المقارنه تكون واحدة، ممكن تقارن الشخص بنفسه ماشي، الشخص بتاع دلوقتي بالشخص بتاع أمبارح مع مراعاة بردو التغير في الظروف..

اما لاعيبة الكورة يجب ان تكون مشتركة في نفس المركز مش معناها انها تكون مشتركة في نفس الأدوار،
" بيب جوارديولا " بيصنف اللاعيبة لنوعين، نوع صانع لعب ونوع تاني بيهاجم مساحة،
اولا: من حيث ( البروفايل) :  فمحرز البروفايل بتاعه يعتبر من صناع اللعب، اما بروفايل صلاح من مهاجمي المساحة اي يبحث عن المساحه بصفه مستمره فافي هذا الشان يختلفون عن بعضهما لبعض..وده بيجعل محرز بيلعب في أغلب الأوقات تحت الكورة، وصلاح العكس فوق الكورة..

ثانيا : شكل فرقهم عند الاستحواذ (التمركز ) : هيكل ليفربول أثناء فك التكتل 2_3_5 والسيتي شبهه كذلك، الخمسة الي قدام في الليفر الظهيرين بيتمركزوا على الخط والثلاثي الهجومي في انصاف المساحات، إنما الخمسة الي قدام في السيتي الأجنحة بتفتح الملعب بالعرض على الخط، ولاعبي الوسط في أنصاف المساحات مع المهاجم .
يعني كمان أماكن تمركزات صلاح ومحرز مختلفة عن بعضها..

ثالثا: ميزات كل منهم :  لا شك إن في ميزة عند أحدهم موجودة عند التاني بدرجة أقل، يعني محرز تحتاجه اكتر في مرحلة التقدم المرحلة التانية من الهجمة لأجل فك التكتلات نتيجة لقدرته على المراوغة والاحتفاظ بالكورة ومقاومة الضغط ولعب ال Risky passes،.
اما صلاح تحتاجه اكتر في مرحلة الانهاء المرحلة الأخيرة في الهجمة نظراً لقدرته على مهاجمة المساحة واجابياته على المرمى واستقبال التمريرات بإتقان  ويبحث عن المساحات بصفه مستمره .

رابعا : اساليب لعب فرقهم : لو منظومة الليفر مناسبة لصلاح ومنظومة السيتي مش مناسبة لمحرز، فمنظومة الجزائر مناسبة جداً لمحرز في حين مفيش منظومة أصلا لمنتخب مصر لحد دلوقتي تقدر تشاور عليها، ظروفهم مختلفة تقريباً في 95% من الأشياء..

اخيرا وليس باخر.
بيلعبوا في منظومات مختلفة، وهيكلها مختلف، وأماكن تمركزاتهم مختلفة، ومراحل اللعب المميزين فيها مختلفة، وبروفايل اللاعب نفسه من خصائص وإمكانيات و style لعب مختلف عن الآخر، بس في شخص ما، في مكان ما، في دولة من دول العالم الثالث عنده قدرة إنه يقارن بينهم عادي، وفاكر إن معاييره صحيحة، أو المقارنة ممكن تؤدي به لنتائج صحيحة..