عادل إمام يتهم نادي مصر للتآمين ب المماطلة بتسديد مستحقات الاعبين و الإجبار عن التنازل عنها

عادل امام يتهم نادي مصر للتآمين ب المماطلة بدفع  حقوق الاعبين و  عدم الإلتزام ب التعاقدات
كتب /طه حسين 

نادي مصر للتأمين  يفسخ عقده مع اللاعب عادل امام واللاعب يقدم شكوى لاتحاد الكرة بسبب عدم حصوله على المستحقات

أولا نادي مصر للتآمين يقع بالدرجه الثالثة وكان قاب او أدنى من الصعود للدرجه الثانية الممتاز ب  ويقوده مدير فني قدير ومحترم جدا كابتن عمرو عبده  يقع بالمجموعة السادسة مجموعة القاهره والقليوبية  صعد عن هذه المجموعة نادي بنها

إليكم القصه كامله من لسان الاعب الذي قال عنه المدرب
كابتن عمرو انه من اعمده الفريق والهاف ديفندر الأساسي بالفريق   شهير ب المدفعجي
 

لعب عادل امام مع نادي مصر للتأمين هذا الموسم
31 مباراة كاملة + مباراة واحدة كبديل من اصل 34 مبارة بمسابقة الدوري +كاس مصر  الذي وصل  فيها الفريق الي الدور الثالث

لعب أيضاً آخر لقاءات النادي وكان لقاء ودي منذ عشرة أيام بين مصر للتأمين والنادي الأهلي إستعداد النادي الأهلي لمباراة الترجي بقبل النهائي السابقه بتونس
وانتهى اللقاء الودي بالتعادل بهدفين مقابل هدفين وظهر الفريق بشكل جيد والجميع أثنى على أداء الاعب عادل امام
 

⚪️ تم سؤال الاعب منذ متى وانت تلعب مع مصر للتأمين

أنا في نادي شركة مصر للتأمين من  حوالي سنة و نص و ربنا اللي يعلم اني مقصرتش و لا يوم و دايما كنت ملتزم و بجتهد و بتمرن كويس علشان اكون جاهز دايما و براعي ربنا ف اكل عيشي قبل اي حاجه الحمد لله رب العالمين بحلل اي قرش بيدخل ع اهل بيتي و اي حد قريب مني عارف الكلام ده كويس جدا ⁦

_بدايه المشكلة من أين

ف الحقيقة انا لسه ليا مستحقات مالية عند النادي و مش قادر اخدها ليا 5 اقساط كاملين مش عارف اخدهم و النادي بيساومني عليهم للاسف الناس المحترمة عاوزني أتنازل عن 3 اقساط كاملين و اخد قسطين فقط  و امضي ع إخلاء طرف و إقرار اني ليس لي اي مستحقات خلال موسم 2020/2021

طبعا انا رفضت علشان طريقة التعامل مش حلوة خالص بالمرة وفيها لوي دراع
و بعض اللعيبة للاسف اخدوا القسطين و اتوعدوا أنهم هياخدوا باقي مستحقاتهم خلال اسبوع أو اتنين بالكتير .
وللأسف لم يتم الوفاء بذلك

بعد حوالي يومين او تلاتة كلمني  مسؤول من النادي و اتكلمنا كتير حوالي ساعة تقريبا و حاول أنه يقنعني اخد القسطين و استني اسبوع أو اتنين و هاخد باقي فلوسي + تعديل عقدي بتاع الموسم الجديد و ننزله حوالي 20 الف جنيه .

_كان ردك إيه

كان ردي كده  لو سمحت  هاخد كل حقوقي القديمة الاول و بعد كده نتفاوض ف العقد بتاع الموسم الجديد . تركت الباب مفتوح المفاوضات

⚪️ كان رد المسؤول إيه

رد  عليا و قالي خلاص روح خد القسطين و امضي ع نسخة عقد جديدة

⚪️ بماذا رديت

قولت له لا طبعا يا  اخد ال 5 اقساط كلهم و بعد كده نتكلم و نمضي

⚪️ وماذا قال لك

رد عليا و قالي رئيس النادي الدكتور عادل موسى قال كل اللعيبة هتاخد قسطين و تمضي ع إقرار أنها ملهاش اي مستحقات تانية و بعد اسبوع أو اتنين هياخدوا باقي الفلوس

⚪️ وإنت وافقت علي العرض

رديت انا عليه و قولت له انا اسف  مش هقدر اخد القسطين بس و امضي ع إقرار أو إخلاء طرف

⚪️ ثم ماذا حدث

بعد اسبوع أو اتنين كلمني وقال نفس الكلام

وان رديت اني مش عاوز احس انكم بتساوموني انا مستاهلش ده منكم انا كنت راجل معاكم و ملتزم و معملتش اي مشكلة

قالي خلاص هكلم الدكتور رئيس النادي و أقوله بس هو هيرفض
قولت له مفيش مشكلة كلمه بس و انا مستني مكالمتك وان شاء الله خير   وطبعاً لم يحدث شئ

⚪️ طيب ليه ما تروحش النادي وتقعد في مناقشه ولقاء وحوار أفضل من المكالمات التي لن تجدي
 

رد الاعب وقال فعلاً ذهبت إلى النادي يوم الاحد 13/6/2021 حلو

كان موجود الاستاذ هلال المدير المالي للنادي

الأستاذ غريب والحاج راشد                  
              
أعضاء وإداري النادي

⚪️ وماذا تم باللقاء

رد الاعب وقال قعدنا حوالي ساعة و نص تقريبا نتفاوض و مفيش اي جديد خالص
نفس الكلام برده خد قسطين و مش عارف ايه نفس الكلام اللي قلته لحضرتك بالبدايه
وصلنا لحل اننا هنعدل العقد بتاع الموسم الجديد بنفس قيمة الموسم القديم .
احتراما وتقديرا للنادي وقلت اشتري النادي لأخر لحظه  و عملت خاطر للناس المحترمة

استاذ هلال  قالي طب بعد اذنك يا عادل اديني خمسة دقائق كده هنكلم رئيس النادي و ادخل  تاني تمام .

_ثم أكمل الاعب

بعد شوية دخلت لهم قالولي رئيس النادي لا يرد و هو ف اجتماع _ امضي ع نسخة عقد جديدة ع الابيض و هنبلغ رئيس النادي بكل طلباتك و هنكلمك و لو متفقناش ابقي قطع العقد

طبعا انا رفضت برده قولت لهم مش هينفع و الله امضي ع حاجه من غير ما نتفق كده كده عقدي لسه ف سنة كمان و انا موجود كلمني ف اي وقت هاجي اخلص الدنيا ع طول .

رد عليا استاذ هلال و قالي انا برده مش عاوزك تمشي يا عادل من غير ما تاخد فلوس طب روح الخزنة خد القسطين و امضي ع إخلاء طرف

قولت له لا يا استاذ هلال مش همضي ع حاجه و انا ليا مستحقات ف النادي
خلي الفلوس موجودة عندكم ف الحفظ و الصون لما تكلموا رئيس النادي و يخلص الاجتماعات بتاعتكم  و يرد عليكم و ان شاء الله خير

كل ده في حضور الاستاذ غريب و الحاج راشد .

الحاج راشد اتكلم معايا و قالي انت عاوز ايه يا عادل ولا عاوز تاخد الفلوس و لا تنزل عقدك امال عاوز ايه

قولت له عيب يا حاج راشد لما تساوموني ع الفلوس و لا انا صغير و انتوا اكبر من كده و انا مقصرتش معاكم ف حاجه

هو علشان تديني القسطين لازم تمضيني ع إخلاء طرف و إقرار أو نسخة عقد جديدة و تنزل عقدي انا مش هعمل كده طبعا

و زي ما حضراتكم بتدوروا ع مصلحة النادي انا كمان من حقي ادور ع مصلحتي و اخد كل حقوقي و مستحقاتي كاملة .

_بماذا رد عليك

رد عليا الاستاذ هلال  و قالي بصراحة كده يا عادل احنا بنساومك بس انا بنحسن  ف الكلام علشان متاخدش بالك و محدش هياخد ال 3 اقساط خالص ولا الناس اللي مشيت ولا اللي هتقعد

هذا اعتراف من المدير المالي

_اكمل

قال المدير المالي ان دي عقوبة عاملها مجلس الإدارة علي اللعيبة كلها علشان مصعدناش

_وانت قلت ايه

رديت عليه انا و قولت له يا استاذ هلال يا استاذ غريب يا حاج راشد يا محترمين
ف قسط ف العقد و قيمته 20 الف جنيه حضرتك هتخصمه ف حالة عدم الصعود + اننا ك لعيبة مخدناش مكافأت طول الدور التاني كله + الخصم اللي حضرتك عملته ف الدور الاول

حضرتك عاوز تخصم ايه مني تاني ده مش من حقك ولا قانوني
قالي لا هو كده و لو عاوز تعمل شكوي براحتك

طبعآ طريقه الكلام بها تهديد واخبط راسك في الحيط

⚪️ ماذا حدث بعد ذلك

بعدها بيوم ع طول بعتوا لي جواب فسخ التعاقد قبل المده المحدده ما تخلص علشان مروحش اعمل شكوي بنسبة المقدم الجديدة بتاع الموسم الجديد (25%)

_ملاحظه قلت له ماذا كابتن عادل

قال انا عرضت ع النادي اخد 4 اقساط و أتنازل عن قسط و للاسف تم الرد بالرفض روح اعمل شكوي .

وتم عمل شكوى باتحاد الكوره عن كل ما تم معي وعدم حصولي على مستحقات الموسم المنتهى

_معك دليل بما تحدثت به معي

قال الاعب انا مسجل لكم كل حاجة حتي المكالمات كلها متسجلة .

كلمة حق  اخيره لم أسأل احد عن اخلاق او  لعب او ضمير
كابتن عادل امام سواء من زملاء او مدربين له إلا شكر به وقالوا عنه انه لاعب محترف بمعنى الكلمه  يعرف الحقوق الواجبه عليه بالتدريب او داخل الملعب   وينفذها علي أكمل وجه

آنتهى حوار اليوم وأرجوا ان يكون في استجابه لحل مشاكل الاعبين و الأندية وكلا يآخذ حقه

#طه_البيومي