خواطر ا.فؤاد بشادى

كتب/فؤادبشادى ....شاب عنده18 سنة بس حرامى هجام .. طلع على ماسورة وكسر حتة من الشيش بس ماكنش متوقع إن فيه ناس فى الشقة .. صاحب الشقة قام على صوت كسر الشيش وراح فاتحه يشوف إيه اللى عمل الصوت ده ....الشيش وهو بيتفتح خبط فى الشاب الحرامى، فإختل توازنه ووقع من الدور الرابع ميت . . فجأة الناس إتجمهرت فى الشارع، وأصوات ثائرة بتصرخ هنا وهناك ... والفوضي عمت المكان ...  .. 

الاخوان (ساخرين) :  شفتم السيسي وصلكم لإيه الناس بقت تطلع عالمواسير عشان تسرق لقمة العيش 

 شاب ثورى :  طبعاً هيقولولك دلوقت (وهو إيه اللى طلعه على المواسير وهيطلعوه في الأخر حرامي )  

 شابة يسارية :  أنا فاهمة إن اللى فتح الشيش صاحب البيت .. لكن مش ياخد باله وهو بيفتحه ؟ مش يمكن فيه حد على المواسير !  شاب تبع مبارك :  الشاب ده كان فاتح شركه أيام مبارك بقي دلوقت بيسرق بيوت .. !!  

شابة فيسبوكيه :  هنفضل لحد إمتى فى الكوارث اللى بتحصل دى ؟ ليه الشاب ده يموت ؟ مش مهم كان رايح يعمل إيه ... إنتم مش عارفين يعنى إيه أرواح شباب بتروح ؟!  

وواحد شاب ثورى تالت :  وهو يعنى كان شاف بطاقته ولقى مكتوب فيها إنه حرامى ؟ ما تبطلوا تخوين الناس بقي !  

شاب تويتاوى ماسك سمارت فون كتب هاشتاج :   كلنا هجامين  شابة ثورية تانية :  معقول جزاء اللى يكسر حتة من الشيش إنه يتقتل ؟! ليه الدم بقي رخيص كدة ؟!  

شابة إخوانجيه :  شهيد لقمة العيش .. نحتسبه عند الله شهيداً ..   شاب فيسبوكى عمل صفحة سماها :  حق متسلق المواسير مش هيطير ... 

 شاعر ثورى كتب قصيدة مطلعها : 

آه يا بلد بقى فيكى قرش الحشيش أغلى من دم الولد الـ كسر الشيش  حال مصر