الأخبار العاجلة
- الجمعة, 17 مايو 2024
-
رئيس مجلس الإدارة و التحرير
خالد حسين البيومى
بصيت لصورتي في البطاقة ..
لقيت واحد بقاله سنين ماجاش البيت .. .
واحد بشوفُه كتير في وسط الناس ..
تايه ماشي فاقد الإحساس ..
بيبان لي في الزحمة اللي في الأوتوبيس ..
وف ميكروباص رمسيس ..
وفي المترو ..
وف كل مرة أنساه .. أو افتكرُه .. .
ومافيش في مرة ألاقيه لما أنادي عليه :-
يا اللي انت كنت زمان ..
شمس ف سما البردان ..
دفا للي جاي عريان ..
ومنارة للمَكْسي ..
جايلك وماشي طريق ..
ماتجيش من العكسي .. ..
وف يوم قابلني صديق ..
كان جاي من الماضي ..
وسألني إيه غَيّـرك
رديت عليه : عادي ..
وفضلت أقول مواضيع مالهاش لزوم تتحكَى ..
أضحك على الفاضي .. واسخر من اللي اتبكَى .. .
واما اختلِيت بيّا ..
وبقيت مَعَ نَفسي ..
بكيت على نَفسي ..
شريف محمود الخولى الأحد 23 أغسطس 2020 03:49 م
جميلة جدا 💖💖💖💖💖💖
Tamer salah الأحد 23 أغسطس 2020 08:49 م
روعة بجد يا استاذ 🙏