د.نجلاء البيومى "أناالمصــرى

 السبت 02 أكتوبر 2021 12:57 م

انا المصــري 

بقلم/د.نجلاءالبيومى
انا المصري كريم العنصرين بنيت المجد بين الإهرمين  …….ايوة انا المصري واسألوا عني من بداية الزمان من اول حضارة عرفها الانسان حضارة المصري القديم في كل المجالات اللي حكي  عني التاريخ حكايات وحكايات وكل اللي يسمعه يقوله  احكي كمان وكمان 
بس انا انهاردة هحكي عن الاحفاد احفاد المصري اللي ورثوا عنه كل الصفات صفات العزة والكرامة وحب الاله والوطن ومعاهم العناد بس العناد في الحق ونقول كمان 
اصل الكلام مينتهيش عن المصريين اللي انهاردة بيعبروا عبور جديد وبيكملوا مشوار طويل علشان في النهاية يوصلوا ويحققوا حلمهم ويرجعوا امجاد المصري القديم  وحيوصلوا….. عارفين ليه؟؟….
لان التاريخ بيقول كده بيقول المصري ده مشكلة في عز الازمة بيخرج اجمل واقوي ما فيه مارد قوي جبار عبقري وميعرفش المستحيل وازاي يعرفه وهو اللي عبر القناة في ٧٣ وحطم الاسطورة اللي سموها خط بارليف ورجع ارضه بقوته ومعاها كمان حكمته وجمع ما بين الحرب والسلام ومرت الايام والسنين واتحمل فيها الكتير واما حس تاني بالخطر وان بلده بتتخطف في يوم واحد خرج بالملايين وقال كلمته واختار قيادته بحريته والعالم كله شهد بقوته وادينا انهارده بنكتب فصل جديد في التاريخ عنوانه"العبور الجديد" علشان نكمل المشوار اللي فيه دفعنا كتير من دم اولادنا وشبابنا اللي راح علشان يحافظ علي البلد   وحلفنا أبدا عمر دمه ما يروح هدر  وعبورنا انهارده لجمهورية جديدة شابة قويه بين الامم وولادها شايلين رايتها وحالفين تفضل ترفرف  وتعلي عن كل الرايات وده حقها ما هي راية مصر ام الدنيا وحتبقي اد الدنيا وكل واحد فيها  يفتخر ويقول  بكل قوته ……انا المصري