لعبة كرة القدم ليست بالأرقام ب الخطه ولكن بتنفيذ المهام

كتب /عمرو الخشاب 

إشراف القسم الرياضي /طه البيومى 

♦️منذ فترة ليست ببعيدة قد تقابلت مع احد مدربي فرق الناشئين لاحد انديه الدوري الممتاز اثناء احدي المباريات الوديه لي ، وقد رأني  ألعب بطريقه اللعب بثلاث مدافعين وقال لي " انت ليه يا كابتن بتلعب بثلاث مدافعين في العمق علي الرغم ان المبارة في المتناول " .....
هذا السؤال مثله مثل كثير من المناقشات بين اغلبيه متابعين كرة القدم هو الفريق دة بيلعب بخطةايه ليه بيدافع وليه بيهاجم كده وليه ........ ؟

♦️ كما اني رايت وسمعت الكثير من الآراء والمقترحات والأفكار علي خطط اللعب والرسم و ترصيص الاعبين بالملعب
لكل جمهور نادي معين يرغب ان فريقه يلعب بطريقه معينه  ...  وهذا ناتج عن اعتقاد البعض ان الفوز هايجي بهذا الطريقه او بغيرها .

♦️بادئ الأمر نبدأ مقالنا بجمله " ان للكوره تفاصيل من الصعب علي الجميع ادراكها وذلك لاختلاف معايير بين كل شخص والاخر في متابعتها"
يجب حذف من تفكيرنا جمله هو النادي دة او الفرقه دي بتلعب بخطة أيه لا دي حلوه لا دي وحشه ....

♦️اوعي تكون فاكر أن الفريق ممكن يخسر أو يكسب علشان لعب بطريقة 3-4-3 أو 4-2-3-1 أو 4-3-3 أو اي طريقه رقميه في الدنيا، دي كلها مجرد اشكال لمراكز اللاعبين علي الورق، لكن داخل الملعب كل شئ قابل للتغيير حتي مراكز اللاعبين...

♦️اي طريقه رقميه في الدنيا لها مميزات ولها عيوب ولكنها  ليست الجوهر الرئيس للفريق لان ممكن بسهوله جدا تغير أكثر من شكل داخل الملعب يعني ممكن 4-2-3-1 تتحول ل 4-3-3 في نفس الوقت وممكن تتحول ل 4-4-2 أيضا في نفس الماتش فقط تغير مركز لاعب واحد فقط كفيل بتغير الطريقه، ولكن الاهم هو كيفية تطبيق كل طريقه، هيكل الفريق نفسه منظومته الجماعيه وكيفية تنفيذها لأنماط اللعب المختلفه ..

♦️يعني لو جينا شوفنا ال 4-3-3 جوارديولا قدم بيها افضل كره هجوميه في التاريخ، لكن لو جينا شوفنا نفس ال 4-3-3 مع مورينيو قدم بيها كره دفاعيه باحته بشكل كبير، ده يوضح لك أن الطريقه الرقميه ليست الاساس في شكل الفريق جيد أو سئ !

♦️شكل الفريق أثناء امتلأك الكره كيفية خلق المساحات واقتحامها وخلف نوع من أنواع تفوق سواء " مركزي _ نوعي " استغلال ال channel " في وسط ملعب الخصم واستغلال عرض الملعب وكيفية اجبار الخصم علي الدفاع في مساحات كبيره ده شئ اهم من اي نمط أو طريقه رقميه ..

♦️أيضا هيكل الفريق بدون كوره، وكيفية غلق المساحات واختيار مرجعيه دفاعيه حسب إمكانيات الفريق  Man to Man أو zone defence"  هل هضغط عالي ؟ طب لو ضغط عالي هضغط فين وامتي! هل هقدر احافظ علي كتلة الفريق جماعيا بشكل compact ؟ مش مهم  high pressing. أو mid pressing أو low pressing " مهما كان نوع الضغط هل هتقدر تحافظ علي كتلة الفريق بدون تباعد الخطوط.

♦️كلها أمور هي الأهم ويجب الحكم على المدرب من خلالها وليست من تغير طريقه رقميه، كل طريقه وليها ادوار يجب تنفيذها بشكل سليم حتي توصل ليها إلي مرحلة جيده من الاتقان، علشان كده مش شايف مبرر ابدا ان كل تفكيرك يكون نحو تغير formation " معين اكتر من تركيزك علي ازاي هقدر انفذ الطريقه نفسها، وأزاي نقدر نحل الخلل ال موجود في فرقتك .