لكرة القدم تفاصيل ورموز ومصطلحات نحاول توضيحها للجمهور والخبراء

♦️ كتير من الناس بتسمع وبتقرأ عن بعض الكلمات او المصطلحات المتعلقه بآلية التحليل في لقاءات كرة القدم ، البعض من يسردها كنوع التقليد دون فهم والاخر لانها مصطلح لجوهر التحليل اي تفاصيل الملعب او قرأه مفصله

لمبارة كرة قدم. 

هذا المقال هو اجتهاد متواضع اتمني ينال اعجابكم .

♦️ مبدأيا المحلل مش صفة أو وظيفة او احتكار علي احد ، أي حد فينا يقدر يكون له وجهة نظره التحليلية محترمه شرط ان يكون له درايه جيدة عن تفاصيل اللعبه حتي ولو تنتج من المشاهدة ولكن بشكل مختلف لحد ما قرأت بعض التفاصيل .

‼بنشجع تغيير نظرة مجانين اللعبة زينا من مشجعين ومتابعين لأشخاص ملمين بكل شئ في اللعبة ، لأن ببساطة خلاص كرة القدم أصبحت علم تكتيكي وتفكير استراتيجي كأنها لعبة شطرنج ، عشان كده قررنا تجميع كبسولة بسيطة كده لأي حد حابب يبني خلفية محترمة ويقدر يقرأ المباريات بصوره أعمق بكتير من الظاهرية 

نبدأ واحدة واحدة وهتلاحظوا اننا بنضيف المصطلحات الإنجليزية عشان نكون عارفين كل حاجة🙋🏻‍♂️
1🟥 الممرات الخمسة Five Corridors 
زي ما احنا شايفين في الصور .. المدربين بيقسموا الملعب إلى مساحات بشكل رأسي Vertical Spaces ، الممرات الخمسة دول هما : 
📌الجناح الأيمن Right Wing (الممر الخارجي الأيمن) (Right Outer Corridor) (Right Flank)
📌أنصاف المساحة اليمنى Right Half Spaces (الممر الجانبي الأيمن) (Right Inner Corridor)
📌العمق Center
📌أنصاف المساحة اليسرى Left Half Spaces (الممر الجانبي الأيسر)(Left Inner Corridor)
📌الجناح الأيسر Left Wing (الممر الخارجي الأيسر)(Left Outer Corridor) (Left Flank)
وعشان برضو نكون شارحين كل حاجة ، ايه هي "أنصاف المساحة" أو الHalf Spaces ؟ 
🔵هي المساحة العمودية الواقعة بين الأطراف وبين العمق زي ما احنا شايفين برضو فالصور ، مدربين كتير بيستخدموا تحركات لاعبيهم في الHalf Space في أساليب التحضير وتفريغ المساحات 

فبكده تقدر تكون عرفت أسماء المساحات والقنوات في أرض الملعب وإزاي المدربين بيبنوا خططهم عليها وتكون كونت فكرة كويسة عنهم🙋🏻‍♂️

2🟥مراحل اللعب الأربعة Four Playing Conditions 
هي المراحل اللي بيمر بها الفريق طول المباراة ، هل هو مهاجم ولا مدافع ولا مرتد ولا بيرتد والمراحل دي هي : 
📌الهجوم Attack 
📌الدفاع Defense
📌التحول الهجومي (المرتدات) Counter Attack
📌التحول الدفاعي Retreat 
ومن هنا تقدر تفهم أيديولوجية كل مدرب وايه هي مرحلة أو مراحل اللعب المناسبة لأفكاره وازاي بيبني شكل واستراتيجية الفريق في كل مراحله ، وكمان تقدر تعرف كمان بروفايلات اللاعبين المتناسبة مع مراحل اللعب دي 

3🟥المستضعف Underdog
بنسمع المصطلح ده كتير ؟ .. هو معناه في كرة القدم الفريق اللي بيستقبل اللعب وبيتراجع إلى مناطقه تاركاً الاستحواذ لمنافسه عشان يقدر يستخدم سلاح التحول الهجومي ضده ، المفروض ان الUnderdog هي مرحلة الفريق بيعيشها في فترة من فترات المباراة ، لكن في مدارس تدريبية بتمشي ورا الفلسفة دي طوال المباراة بشكل عام لأن رأس مالها هو اللعب على التحول الهجومي فقط 

4🟥اليد العليا Upper Hand
وده عكس الUnderdog .. الفريق اللي فلسفته هي الاستحواذ واحتكار الكرة والدفاع بها ، اشهر مدرب بيعمل كده طبعا هو "بيب جوارديولا" صاحب مبدأ ان طول ما الخصم مش معاه الكرة مستحيل يأذيك 

5🟥الأنماط Patterns 
الأنماط شئ مهم جدا خاصة في حالة الهجوم على فريق متكتل ، لازم تكون في كذة لعبة مركبة المدرب قام بتدريب لاعبيه عليها ( الجملة التيكتيكية ) بحيث تبقى وسيلة جماعية يقدر يضرب بيها التكتلات جنب الحلول النمطية اللي زي الفرديات والعرضيات والتسديد بعيد المدى ، الأنماط مهمة كمان في تنفيذ الضغط بحيث يتسهل على الفريق مهمة إستعادة الكرة في مناطق خطيرة او خنق المنافس من خلال اجباره على الكرات الطويلة ، أهمية الأنماط انك تمنع العشوائية وتقلل من الناحية الارتجالية عند اللاعبين 

6🟥 الضغط العكسي Counter Pressing 
هو أكشن بياخده فريق بمجرد ما يخسر الكرة وبيتنفذ غالبا من مناطق عالية في الملعب ، بمعنى مناطق قريبة من مرمى المنافس ، بحيث تقدر تسترجع الكرة في اماكن خطيرة وتصنع فرص أخطر 

7🟥جناح Insider  ، جناح Creator 
📌الجناح الInsider هو جناح بيمتاز بمهاراته الفردية العالية ، تم وصفه بالInsider لأن أساس وجوده هو الاختراق بمهارته للعمق والتسجيل او الصناعة 
📌الجناح الCreator هو جناح أكثر شمولية من جناح الInsider  لأن بجانب اختراقاته الفردية فهو يجيد صناعة اللعب وخلق الفرص Create Chances  

8🟥مهاجم Target Man ، مهاجم Runner 
📌 المهاجم الTarget Man هو مهاجم معروف بقدرته على سحب الرقابة لتفريغ المساحات لزملاءه ، بجانب انه بيقدر يكون محطة لعب ، لكن بتظل منطقة خطورته الأساسية هي داخل منطقة الجزاء لأن المهاجمين الTarget مش Ballers او كويرة بالبلدي ، فمش بتجيلهم الكرة في مواقف تخليهم محتفظين بيها كتير ، اما التمرير او الانهاء 
📌المهاجم الRunner هو مهاجم معروف بقدراته على مهاجمة المساحة والركض إليها بمجرد تكونها ، ميزته انه دايما سريع من وضع الثبات Acceleration ، وهو كلاعب كوير أفضل من المهاجم الTarget لكنه أقل شمولية لأنه  موطن قوته هي الركض في المساحات 

9🟥الريچيستا Regista
هي كلمة إيطالية تعني اللاعب المتميز بالخبرة والجودة العالية في التمرير وبناء اللعب ، في الكرة الحديثة أصبح لاعب مركز الارتكاز أو مركز 6 مش لاعب Destroyer  فقط وانما اصبح مطالب بشكل رئيسي يكون مميز في بناء اللعب أو القيام بدور الRegista لأن لاعب الارتكاز هو المسؤول الأول عن عملية التحضير ، بناءاً عليه أصبح جميع لاعبي العالم بيطوروا جزئية التمرير العمودي أو الأمامي Progressive Pass ، ممكن تبص على "جورجينهو" كمثال حديث وعندنا "بوسكيتس" نسخة منتخب لاروخا الحالي 

10🟥بروفايلات لاعبي الوسط ( Destroyer مفسد هجمات ) (Creator لاعب مبتكر في التمرير والتحضير) (Runner لاعب قادر على عمل انطلاقات) 
📌الDestroy

#طه_البيومي