لماذا نحن إلى الماضى

الجمعة 23 أكتوبر 2020 01:29 ص فؤادمحمدبشادى

عارفين ليه إحنا بنحب زمان ودايما بنحن للماضي.. ؟؟
* إحنا الجيل إللي كان يصحى الساعة 7 صباحا على أغنية أم كلثوم "ياصباح الخير ياللي معانا" أو أغنية محمد قنديل "يا حلو صبح ياحلو طل" و نروح المدرسة..
* إحنا الجيل إللي كان يكتب الدرس 3 مرات ويحفظه وهو فرحان..
* إحنا الجيل إللي لا كان معاه موبايل ولا تابلت ولاعنده إنترنت يسهل عليه الإجابة وكنا عايشين أحسن عيشة..
* إحنا الجيل إللي كان يذاكر ويحفظ دروسه لوحده من غير أبونا وأمنا وكنا شاطرين..
* إحنا الجيل إللي لعب في الشارع إستغماية و بلي و نطة الحبل والنحلة الخشب وكنا في غاية السعادة..
* إحنا الجيل إللي كان لأبونا وأمنا هيبة .. وللمدرس إحترام .. وحب لسابع جار..
* إحنا الجيل إللي كان بيستنى مسلسل الساعة 7 على القناة الثانية ونتفرج كلنا على المسلسل وننام وإحنا مبسوطين وراضيين..
* إحنا الجيل اللى كنا بنقسم مع صاحبنا المصروف واللقمة.. وكنا نعمل غديوة مع بعض في المدرسة..
* إحنا الجيل إللي عارف معنى اللمة في بيت العيلة على طبلية واحدة.. والمحبة بين الناس..
* إحنا الجيل إللي اتعلم إحترام الكبار والأقارب.. وكان أهالينا دايما يفتخروا بأدبنا وأخلاقنا..
* إحنا الجيل إللي بيسمونا دلوقتي جيل العظماء والطيبين.. عرفتوا دلوقتي ليه إحنا بنحب زمان وبنحن للماضي..