ظاهرة غريبة أصبحت تهدد مجتمعاتنا

الجمعة 10 يوليو 2020 06:15 م دكتور طارق محمد البيومى

الشحاذة أو التسول أصبحت ظاهرة خطيرة ومقلقة فى مصر من مصريين وجنسيات أخرى لدرجة أن فيه ناس تترك أعمالهم و اشغالهم من أجل التسول،مثلا فى المطار أو محطة سكة حديد أو مترو تلاقى رجل أو امرأة في قمة الشياكة يطلع جواز سفره أو بطاقته ويثبت لك أنه من بلد بعيدة أسوان مثلاً ويدعى بفقد محفظة نقوده وطبعاً لازم الناس تعطى لهم أموال رأفة بحالهم،تجيب شغالة عندك البيت وكل يوم تشتكى من ضيق العيش و المعيشة تيجى تكتشف أن زوجها وثلاث أولاد لها يمتلكون ويديرون عربيتين نصف نقل وثلاث تكاتك زيرو ،إمرأة تمسح سلالم العمارة تأخذ من كل شقة 200جنيه شهرى والعمارة 7 أدوار 28شقة يعنى تأخذ من عمارة واحدة 5600جنيه فى الشهر ومسح سلم العمارة مرتين في الاسبوع وتترك الشغلانة وتلاقيها تتسول و تشحذ فى الشوارع،الطريف فى الاعيبهم أن فراشة فى إحدى كليات الجامعة تدخل لدكتور غرفته وتشتكى أن زوجها طرد من عمله و أخوها سقط من سقالة عمارة يقوم بمحارتها فيعطى لها الدكتور 500جنيه فتنظر للفلوس باستغراب فتقوم فراشة أخرى بالدخول إلى نفس الدكتور وتفتن على زميلتها بأنها اشترت قطعة أرض زراعية ثمنها 500الف جنيه دفعت 400 ألف والباقى 100الف جنيه لازم تتدفعهم للبائع فى خلال شهر فقالت لها ال100الف الباقين هاتخدهم من دكاترة الكلية، عشان كده اضيقت يا دكتور لما اعطيت لها 500جنيه بس.